تحليل بيانات المودم بنفسك .. تحليل اهم النقاط المتعلقة بخطوط الـ adsl

تحليل بيانات المودم بنفسك .. تحليل اهم النقاط المتعلقة بخطوط الـ adsl شرح مفصل عن موضوع تحليل بيانات المودم .. لمعرفة سرعتكـ الحالية .. هل عندكـ تشويش وهل هو مؤثر ام لا .. وحساب البعد عن المقسم اللي عن طريقه حنعرف اكتر سرعة ممكن يوصلها خط الدي اس ال الخاص فينا ..  طبعا البيانات اللي حيتم عليها الشرح موجودهـ في كافة المودمات مافي اي فرق بينها إلا بمكان تواجدها لاغير .. speed touch 3com Netgear مودم الاتصالات افاق شامل اهم 3 نقاط هي الباندويث , الإس ان مارجن , واخيرا اللاين اتنيويشين .. جميع النقاط الثلاثة بالأعلى تحتوي Up & Down .. اللي بيهمنا هو الداون .. لنأخذ حالة فرضية للشرح عليها وهي احد الخطوط ويتم التطبيق من قبلكمـ ع خطوطكم الخاصة .. Bandwidth (Up/Down) [kbps/kbps]: 278 / 1142 Line Attenuation (Up/Down) [dB]: 6,0 / 12,0 SN Margin (Up/Down) [dB]: 43,5 / 33,5 طبعا السرعة الواصلة للخط اعلاهـ هي 1 ميغا وبزيادهـ ايضا لأنه المعروف انه الـ 1 ميغا بتعمل 1024 كيلوبايت واللي واصل 1142 .. بالنسبة للأبلود لسرعة 1 ميغا هو 256 كيلوبايت .. اللاين اتنيويشين داون = 12.. وهذا يعني حسب موقع كيتز دوت سي او المتخصص بحساب المسافة بشكل لابأس به انه ممكن صاحب هالخط يوصل لسرعة 24 ميغا .. طبعا في حالة انه كبينته اصلا بتدعم تقنية الـ ADSL PLUS .. وهي الخدمة فيها تعطيكمـ السرعات العليا بدأ من 8 ميغا وانتهاءا بالـ 40 ميغا .. ::. Kitz - Max speed calculator .:: آخر نقطة مهمة في موضوعنا هي التشويش .. التشويش ومادراكمـ مالتشويش ..  التشويش اله 3 محاور رئيسية في اسباب حصوله .. اولها من الكيبل الممتد من المقسم إلى الكبينة ومن ثم إلى الدي بي وانتهاءا بمودم المستخدم . ثانيها وثالثها مشاكل فنية خاصة بالمستخدم .. عندكمـ التسليكـ اكبر مشكلة بيعاني منها الكل هون خصوصا مع تقلبات الجو .. ايام بتلاقي المطر بيضله اسبوع ورا بعضه بدون مايوقف .. وايام بتلاقي هوا بيشيل السيارات قبل مايشيل هالأسلاك المسكينة .. وايام كثيرهـ واللي متعودين عليها الشمس ضاربه بهالسلكـ المسكين وجايبة اجله ..  لذلكـ نصيحة لأي حدا عندهـ التسليكـ خارجي من الدي بي إلى المودم مباشره وحاسس انه التقطيع زايد عليه هالكم يوم ينط لأقرب محل كهرباء او محل كومبيوتر ويجيب سلكـ مسلح من عند الكهربائي او كات 6 من محل الكومبيوتر ويستبدل السلكـ ويريح دماغه .. او بإمكانكمـ مشان ماتبدلوا السلكـ بشكل كامل تاخذوا مترين من الطرفين للتجربة وتشيلوا عفشكم للدي بي وتعملوا التوصيل هناكـ وتشوفوا هل في فرق في قراءة المودم ام لا !! التسليكـ نوعين .. تسليكـ داخلي وهو اغلب الأحيان في العمائر القديمة بتلاقيه حالته حالة ومابقى فيه حيل .. واحيانا في بعض العمائر الجديدة بيكون لابأس فيه بسبب التسليكـ الممتاز من صاحب المبنى .. والنوع الآخر وهو الخارجي وهو الأنسب لخطوط الدي اس ال شرط انه يكون ممدد بشكل ممتاز ونحاول قدر الإمكان تغطية هالسلكـ من عوامل الحرارة والهواء والماء مع انها اصلا جاية هالأسلاك لهيكـ مهمات بس مابيمنع انه نعطيها الضمانات الأفضل لحتى نضمن انها تستمر معنا فترة اطول من الزمن .. طبعا ممكن مايكون عندكمـ اي مشكلة من التسليكـ الخاص بالإتصالات من المقسم للكبينة لمنزلكمـ .. ولا من التسليكـ الخارجي او الداخلي .. وهنا يأتي دور السبليتر او المصفي متل مابيقولوله البعض .. ممكن بشكل كبير اذا كان النوع اللي عم تستخدموه متعرض لعدة ضربات خطافية عرضته لهزة ارتجاجية بالباطن الكهربائي فبيبدأ يخبط ويطلع بيانات مالها علاقة بالواقع .. لذلكـ نصيحة لاتبدأو بتغيير التسليكـ اذا كان عندكمـ سبليتر .. جربوا تشيلوا السبليتر وتعملوا توصيل مباشر من السلكـ الخارجي مباشرة للمودم وشوفوا هل حتفرق معكمـ القراءة او لا .. بالنسبة لقيم التشويش ( Down ) كل مارتفعت كل ماكان التشويش عندكمـ ممتاز ولاحتواجهوا معه مشاكل .. يعني مثلا عندنا من 1 - 10 صاحب هالخط حيعاني من تقطيع دائم خلال فترهـ الظهرية وايام الصيف شديدة الحرارة ولو حب يرفع من سرعته لسرعة أخرى فماحيستفيد منها لأنه دائما حيقطع خطه .. 11 - 20 .. اصحاب هالخطوط الحالة عندهم بتقدروا تقولوا فيها شيء بسيط من الإستقرار ولو قطع الإتصال فممكن مرة او مرتين فقط باليوم او ممكن حتى بالأسبوع كله .. 21 - 34 .. اصحاب هالخطوط في راحة تاامة عن الإنقطاعات بإذن الله وماحيواجهوا اي مشاكل برفع سرعتهم لأنه ع مستوى ثبات رائع .. التقسيمات بالأعلى في منتديات ومواقع أخرى مقسمة لأجزاء اكثر بس من واقع تجربتي وتحليلي لبيانات خطوط الأهل والأصدقاء وفي المنتديات قدرت كون هالتقسيم اعلاهـ .. طبعا مارح انسى احكيلكمـ انه هالقراءة مهما كان الواحد واثق منها فعالطبيعة ممكن يكون موضوع رفعكمـ للسرعة غير ممكن والسبب يعود اما لأزدحام الكبائن الخاصة بالإتصالات السعودية او لإهتراء تلكـ الكبائن .. لذلكـ الأمل الوحيد في الله ثم في ايجاد كبائن الكترونية MSAN و IFTN وغيرها لحتى تتمتعوا بسرعات عالية + جودة خط ممتازه ..